أفضل طريقة لتعلم اللغة الانجليزية أونلاين ( الجزء الأول )

 تعليم اللغة الأنجليزية 

كتير مننا بيكون محتار بين كتير جدا من الكورسات المطروحه على الأنترنت وبسبب كثرتها بيحصلك تكاسل كتير قوى من الوصول للمعلومه مش لأنها بقيت صعبه لا دى نظرا لكثرتها ووفرتها وإتاحتها وبالمجان كمان , النهاردة أحنا جايبنلكم طريقة سهله وبسيطه بعض القواعد او الخطوات التى تمشى عليها واحده واحده وكلهم متاح انك تحصل عليهم ويكونو كمان على موبايلك علشان تقدر فى أى وقت تتعلم الانجليزية .

1-  السمع :- 

أول مهاره وأول طريقة الانسان بيتعلم بيها اللغه عن طريق السمع ازاى تسمع نطق الحرف نطق الارقام نطق الكلمات ومخارج الحروف انت فى البداية بتتعلم ازاى تسمع الكلمة , وهنا جبنالكم أفضل تطبيق على الأطلاق فى أنك تقدر تسمع كلمات جديده ومفيده حقيقة يعنى أيه حقيقة يعنى كلمات هتقدر تسمعها كتير كلمات هتمارسها يوميا فى حياتك التطبيق ده هو تطبيق TED  التطبيق العظيم ده عباره عن محاضرات أو محادثات كثيره قوى من ناس ليهم تأثير فى المجتمع أو افاده حقيقة ناس بيحكولك عن تجارب نجاحهم او عواقبهم او مسائل علمية ومجتمعيه عظيمه فا التطبيق مش بس هيعلمك كلمات لا هيعلمك قصص واقعية وتجارب حياتيه عظيمة , من مميزات التطبيق ده أن بيتيحللك أمكانية الحصول على الترجمه بالعربيه أو الأنجليزية أو الاثنين مع بعض فى نفس الوقت وممكن تسمع الفيديو من غير ترجمه خالص , طيب ازاى تستفاد منه انت فى البداية لازم تسمع الفيديو بالعربية تفهم لغة الحوار الاول وسياق الموضوع وبعدين تنقل الفيديو للمره الثانيه للترجمة الانجليزية ومن هنا تحصل على كلمات جديده هتقدر تتعلمها وتنقلها لدفتر خاص بيك وتبدأ تتعلمها وتكتبها بأديك وتكون كمان سمعت نطقها الصحيح بنفسك ومن ناس أصل اللغة بتاعتهم الأنجليزية علشان تعرف كمان تمرن نفسك على طريقة النطق المناسبة للكلمات .

وتقدر تحمل التطبيق من هنا TED

2- الكتابة  :-

كتير مننا بيكون عنده حصيلة كلمات كبيره سمعيه بس مش بيقدر انه يكتبها او ازاى أنى أوصل لمعنى الكلمة أو ازاى اقدر اكتبها واحطها فى سياق للجمله وأفهم معناها وعلشان كده جبنالك طريقين أول حاجه قاموس , قاموس كامبريدج وهو الافضل على الاطلاق قاموس كامبريد بيتحيلك انك تلاقى معنى الكلمه الصحيح او الاقرب بعيد عن ترجمة جوجل الحرفية الى ساعات بتكون خارجه عن السياق ومبتقدرش تفسر السياق المطلوب فا علشان توصل للكلمة بمعناها الاقرب والاصح انصحكم بقاموس كامبريدج , ومش بس هو بينقلك الكلمات ويعرفك معناها لا ده كمان بينطقهالك كمان بالطريقة الامريكية او البريطانيه على حسب ما انت بتحب تسمع أنهى طريقة نطق أو ما يسمى بالأكسنت  فا أفضل قاموس تقدر تتحصل عليه ويديك معنى الكلمة الى انت محتاجها صح هو قاموس كامبريدج 

تقدر تحمله من هنا Cambridge English-Arabic Dictionary

3- استخدام الكلمات :- 

المعنى من الكلمات الى انت سمعتها وعايز تكتبها توصلها ازاى انت دلوقتى سمعت الكلمات وطلعتها وعرفت معناها بس مش عارف تستخدمها ازاى , ازاى الكلمة دى تبقى فى سياق حوارى وازاى بتتنطق ازاى اكون منها جمله كويسه أقدر استفاد بيها او انطقها صح وافهم معنى الكلمة مش مجرد ترجمتها , كل ده من موقع أسمها YOUGLISH  موقع يوجليش موقع عظيم جدا الموقع ده انت بعد ما هتجيب الكلمة الى انت عايز تعرف أستخدامها وتعرف السياق الحوارى الى بتتحط فيها بتروح على موقع يوجليش وهو بيجبلك فيديوهات اتنطقت فيها الكلمة دى داخل سياق حوارى تقدر تعرف بيه الكلمة دى معناها الاصيل ايه ومعنى الكلمة دى إيه وبتستخدم ازاى وتقدر بيها تثبت الكلمة فى دماغك بأنك أنشأت للكلمة الواحده طريق حوارى كمان وديلاوج او سيناريو قدرت بيه تخلى الكلمة واضحه قدامك وكمان الموقع بيتحيلك ان تكون الكلمة اتنطقت بكذا طريقة نطق الامريكية والبريطانية كمان ,  وبكده هتثبت الكلمة فى دماغك وتقدر توصل للموقع ده من هنا YOUGLISH

ومن هنا تقدر تكون بدأت تعرف ازاى تزود محصلة الكلمات عندك وازاى كمان تستمع بالكلمات دى وتاخدها فى شكل معلومه مش بس شوية جمل لازم تحفظهم وتسمعهم بلا هدف ولا أستخدام ولا قيمة فا بالتالى اكيد هتنساهم او هتهملهم او هتمل بعد فتره وده شئ بيكون محبط لينا جميعاً وعلشان كده جبنالكم الطرق دى فى شكل سلسلة مواضيع هتتعدل وتزيد كل فتره علشان نسهل عليكم تعلم اللغة الانجليزية والناس تبطل عقدة التعلم وتتخطى صعوبات التعلم 

كمان تقد تتابعنا على التليجرام علشان تقدر يوصلك كل المواضيع أول بأول التليجرام